[Demographic Vietnamization: Loggng, Military, Border, Mondolkiri] មនុស្ស ៣នាក់ ត្រូវ បានបាញ់សម្លាប់ ក្នុងព្រៃ ខេត្តមណ្ឌលគិរី | 3 killed in the Mondolkiri forest
ផែនទីខេត្តមណ្ឌលគិរី |
មនុស្ស ៣នាក់ ត្រូវ បានបាញ់សម្លាប់ ក្នុងព្រៃ ខេត្តមណ្ឌលគិរី
RFA / វិទ្យុ អាស៊ី សេរី |
មន្ត្រីអង្គការក្រៅរដ្ឋាភិបាល មន្ត្រីអាវុធហត្ថ និងមន្ត្រីបរិស្ថានចំនួន ៣នាក់ ត្រូវបានជនសង្ស័យបាញ់សម្លាប់នៅក្នុងព្រៃ កាលពីយប់ថ្ងៃទី៣០ ខែមករា។ សមត្ថកិច្ចសង្ស័យថា ឈ្មួញជួញដូរឈើខុសច្បាប់អ្នកបាញ់សម្លាប់មន្ត្រីទាំងនោះ។
ប្រធានអង្គការប្រឆាំងអំពើពុករលួយទប់ស្កាត់ការបំផ្លាញធនធានធម្មជាតិ និងការពារសិទ្ធិពលរដ្ឋ លោក ជា ហ៊ាន រៀបរាប់ថា ហេតុការណ៍ផ្ទុះអាវុធនេះ បានកើតនៅក្នុងភូមិពូហ្យាម ឃុំសែនមនោរម្យ ស្រុកអូរាំង ខេត្តមណ្ឌលគិរី នៅម៉ោងប្រមាណ ៩យប់ បន្ទាប់ពីជនរងគ្រោះទាំងបីនាក់បានចុះល្បាតព្រៃឈើ ប៉ុន្តែពេលនោះត្រូវក្រុមឈ្មួញរកស៊ីឈើខុសច្បាប់ស្ទាក់បាញ់សម្លាប់តែម្ដង៖ «ជនល្មើសស្ទាក់បាញ់ ខាងនគរបាលបានបាញ់តវិញដែរ តែដោយសារតែខាងជនល្មើសបាញ់មុន បណ្ដាលអោយអាវុធហត្ថរងរបួស ហើយខាងបរិស្ថានរបួសដែរ។ ស្លាប់នៅនឹងកន្លែង ២នាក់ ហើយមន្ត្រីរបស់អង្គការបានស្លាប់នៅមន្ទីរពេទ្យ។»
អ្នកនាំពាក្យអាវុធហត្ថលើផ្ទៃប្រទេស អេង ហ៊ី បានប្រាប់សារព័ត៌មានក្នុងស្រុកថា មេបញ្ជាការអាវុធហត្ថលើផ្ទៃប្រទេស និងជាប្រធានគណៈកម្មាធិការទប់ស្កាត់ និងបង្ក្រាបបទល្មើសព្រៃឈើថ្នាក់ជាតិ លោក សៅ សុខា បានចេញបញ្ជាជាបន្ទាន់ឲ្យកម្លាំងសមត្ថកិច្ចនៃគណៈកម្មាធិការទប់ស្កាត់ និងបង្ក្រាបបទល្មើសព្រៃឈើថ្នាក់ជាតិ ចុះពិនិត្យករណីផ្ទុះអាវុធ សម្លាប់មន្ត្រីទាំង៣ នាក់នេះ។
អាស៊ីសេរីមិនទាន់អាចទាក់ទងលោក អេង ហ៊ី បានទេ កាលពីយប់ថ្ងៃទី៣០ ខែមករា៕
No comments